Pasi që na e kanë paraqitur modelin Insignia OPC në versionin hatchback, nga Opel vjen edhe karavani më i shpejtë, me të cilin planifikojnë të prishin planet e konkurrentëve Audi S4 Avant e BMW 335i Touring.Insignian OPC karavan e fut në lëvizje motori 2.8 litërsh me turbo të dyfishtë V6 dhe 325 KF si edhe versionin “hatchback”.
Dallimi i vetëm në mes të dy automjeteve, pos pamjes, është që karavani deri në njëqind kilometra në orë arrin diç më ngadalë dhe se ofron më shumë hapësirë bagazhi – 540 litra në mënyrë standarde, respektivisht 1.530 litra me ulëset e prapme të lëshuara.
OPC karavan, të cilin në Opel e quajnë Sports Tourer, deri në 100 km/h arrin për gjashtë sekonda (0.2 sekonda më ngadalë se ai hatchback) si dhe arrin shpejtësinë maksimale elektronike prej 250 km/h.
Automjeti në shitje do të mund të paraqitje në vjeshtën e këtij viti, për çmim tani për tani të panjohur.
--------------------------------------------------------------------------------